2012, നവംബർ 3, ശനിയാഴ്‌ച

ഹൃദയം --------------


ഹൃദയം 
--------------

തീയില്‍  കുരുത്തത് കൊണ്ടാവണം 
ഇത്ര വെയിലുകൊണ്ടിട്ടും 
ഇലകള്‍ കറുക്കാത്തത്  
ഞെട്ടറ്റു വീഴുമ്പോള്‍ 
കരയാത്തത് 

കായ്‌


കായ്‌ 
________ 
  
ചിറകിലെ പൊടി 
 കട്ടെടുത്തതോ 
കൊടുത്തതോ
പൂവോര്‍മയ്ക്കായ് 

കണ്ടം

കണ്ടം 
------------
വെറുതെ ഇട്ട കണ്ടത്തില് മഴ പെയ്തു .
കൂലികൊടുക്കാനില്ലാത്ത വരമ്പ് 
വെള്ളം വന്നു മൂടി .
പൂത്താലി വിരിഞ്ഞ  
വെള്ളം മൂടിയ  
വെള്ളകണ്ടത്തിനു കാവല്‍
പമ്പ്‌ ഹൗസോ ഒറ്റതെങ്ങോ 
ഒറ്റ കാലന്‍ കൊക്കോ  

ഒറ്റമരങ്ങള്‍ .....ഏ .വി .സന്തോഷ്‌ കുമാര്‍

ഒറ്റമരങ്ങള്‍
ഏ .വി .സന്തോഷ്‌ കുമാര്‍ 
അന്നുവന്നതിനേക്കാള്‍
സുന്ദരിയായിരിക്കുന്നു
ഇന്ന് നീ വന്നപ്പോള്‍
അന്ന് നിന്റെ കൂടെ
അവനുണ്ടായിരുന്നു
ഇന്ന് നീ തനിച്ചാണല്ലോ
അന്നില്ലാത്ത ചന്തം ഇന്ന്
നിനക്കെങ്ങനെ ?
അന്ന് ഇരിക്കാന്‍ പറഞ്ഞിട്ടും
നീ ഇരുന്നില്ല .
അവന്റെ പിന്നില്‍
ഒരു നിഴല്‍പ്പോലെ
അവന്റെ ശ്വാസംപ്പോലെ
നിന്നെ ഞാന്‍ കണ്ടതേയില്ല
നല്ലപ്പോലെ അന്ന് .
ഇന്ന് ശരിക്കും നിറഞ്ഞു കണ്ടു
അകന്നു മാറി നിന്നെ
നോക്കി മതിമറന്നു നിന്നു.
എന്തൊരുന്മേഷമാണ് നിനക്ക് !

എങ്കിലും നീ
എന്നെ നിന്റെ നിഴലാക്കല്ലേ
നിന്റെ ശ്വാസമാക്കല്ലേ
അങ്ങനെയായാല്‍ നീ
ഇങ്ങനെയാവില്ലല്ലോ
ഒറ്റയ്ക്കുള്ള നീയാവില്ലല്ലോ .